नवलपुर ।
नवलपुरमा जंगली च्याउ खाँदा एकै परिवारका पाँच जना बिरामी भएका छन ।
नवलपुरको देवचुली नगरपालिका २ दुम्कौलीका ४८ वर्षीय बाबुलाल राजवंशी, ४६ वर्षीया रनमाया राजवंशी, २८ वर्षीया धनमाया राजवंशी, २६ वर्षका मदन राजवंशी र ९ वर्षीया रिदिमा राजवंशी बिरामी भएको जिल्ला प्रहरी कार्यालय नवलपुरले जनाएको छ ।
धनमाया राजवंशीले जंगलबाट टिपेर ल्याएको च्याउको तरकारी गएराति पकाएर खाएकाे केही बेरमा बान्ता हुने, रिंगाटा लाग्ने जस्ता लक्षण देखा परेकाे थियो ।
यतिखेर बिरामी सबैलाई चितवनको भरतपुरस्थित पुरानो मेडिकल कलेजमा उपचार भैरहेकाे छ ।
