त्रिभुवन विश्वविद्यालयका उपकुलपति प्राडा केशरजंग बरालले राजीनामा दिएका छन् । उनले प्रधानमन्त्री तथा विश्वविद्यालयका कुलपतिलाई सम्बोधन गरी राजीनामा दिएका हुन् । उनले राजीनामापत्र प्रधानमन्त्री तथा मन्त्रिपरिषद्को कार्यालयमा बुझाएका छन् ।
गत वर्ष १० फागुनमा उपकुलपति नियुक्त भएकाले उनले स्वास्थ्यको कारण देखाउँदै राजीनामा दिए पनि राजीनामा स्वीकृत भने भइनसकेको जनाइको छ । बराललाई तत्कालीन प्रधानमन्त्रीतथा त्रिविका कुलपति पुष्पकमल दाहाल प्रचण्डले नियुक्त गरेका थिए । राजीनामा बुझाएसँगै बराल पोखरा घर फर्किएको जनाइएको छ ।
केही दिनअघि बरालले नेकपा माओवादी केन्द्रका अध्यक्ष पुष्पकमल दाहाल प्रचण्डलाई भेटेर आफूले राजीनामा दिने तयारी गरेको बताएका थिए । माओवादीनिकट प्राध्याकपहरूको संगठन नेपाल राष्ट्रिय प्राध्यापक संगठनको कार्यक्रममा शनिबार प्रचण्डले यो विषय सार्वजनिक गरेका थिए । प्रचण्डले आफूले राजीनामा निदन भनको तर बरालले भने अब नस्कने बताएकाे समेत उल्लेख गरेका थिए ।
