भोजपुर, असार २२ –
भोजपुर नगरपालिका-२ मा आइतबार एक हृदयविदारक घटना भएको छ। राजेन्द्र राई (रामप्रसाद राई) नामक व्यक्तिले आफ्नै परिवारका चार सदस्यको धारिलो हतियार प्रयोग गरी हत्या गरेका छन्। मृतकहरूमा ६८ वर्षीय बेल बहादुर गिरी (ससुरा), ४५ वर्षीया मञ्जु गिरी (सासु), छोरी मनिषा गिरी (श्रीमती), र छोरा सपन गिरी (सालो) रहेका छन्।
हत्यापश्चात् राजेन्द्र राईले स्वयम् गए राति सवा १ बजे प्रहरी कन्ट्रोल रुममा फोन गरी घटनाको जानकारी गराएका थिए। तत्कालै प्रहरी घटनास्थलमा पुग्दा चारै जनाको शव फेला परेको थियो।
प्रहरीले हत्या आरोपमा राजेन्द्र राईलाई नियन्त्रणमा लिएको छ। प्रहरीका अनुसार उनको पेटमा पनि चोट लागेको छ, जसको कारण अनुसन्धान जारी रहेको बताइएको छ। जिल्ला प्रहरी कार्यालय भोजपुरले घटनाबारे थप अनुसन्धान गरिरहेको छ।
प्रकाशित मिति : २०८२ असार २२ गते आइतबार
प्रतिक्रिया दिनुहोस्