०८४ सालको चुनावलाई नेपाली जनताले अग्रगमन,समाजवाद र स्वाधीनतामा व्यक्त गर्ने छन . विप्लव सी

उहाँले एकपटक नेपाली जनताले विश्वास गरी ०८४ सालको चुनावमा आफ्नो पार्टीलाई मत दिए नेपालको सिंहदवारमा नबसी जनताको गोरुजस्तै जोतिएर देश निर्माण अभियानमा लाग्ने प्रतिबद्धता जनाउनु भयो ।
महासचिव विप्लवले भन्नु भयो, ‘हामीलाई सिंहदवार चाहिएको छैन, जनताले वहुमत दिएर जिताउनु भयो भने जनताको बिचमा गोरु जस्तै जोतिएर एक पटक देश बनाउने चाहाना छ, नेकपा र यसको नेतृत्व नेपाली जनताको हरेक दुखमा काँध थाप्ने पार्टी र नेतृत्व हो, जनताप्रति हाम्रो विश्वास छ, अबको चुनावलाई देशको अग्रगमन,समाजवाद र स्वाधीनतामा लिने गरी जनताले साथ दिनु हुन्छ भन्ने मेरो विश्वास छ ।’
महासचिव विप्लवले नेकपाले कसैलाई देखाउन र भन्नको लागि कृषि उत्पादनको काम नगरेको स्पष्ट पार्दै पार्टीका नेता कार्यकर्ता,देश र जनतालाई आत्मनिर्भर बनाएर समृद्धितिर लिन र नेपालका बुद्धि नभएका नेताहरुलाई चेत खुलाउन गरिएको जिकिर गर्नु भयो ।
उहाँले भन्नु भयो,‘हामीले कसैलाई देखाउनको लागि उत्पादनको काम गरेका छैनौ, यो देशलाई बदल्ने चाहानाले गरेका छौ, हामी वारुदको धुवावाट जन्मिएका मान्छै हौ, खानको लागि भिखमाग्नु पदैन, आफ्नो देशमा र माटोमा मिहिनेत गर्नु पर्छ,हाम्रा युवाहरु मरुभूमिमा जानु पर्ने यो देश होईन, यहाँ राजनीतिक नेतृत्वको कमी हो, त्यो नेकपाले पुरा गर्न चाहान्छ ।’

उहाँले नेपाल कम्युनिष्ट पार्टीले अगाडि बढाएको राजनीति र उत्पादनको अभियानमा सबै उद्योगी व्यवसायी, गणतन्त्रवादी,देशभक्त, लोकतन्त्रवादी,क्रान्तिकरी कम्युनिष्टहरुलाई साथ दिन अपिल गर्नु भयो ।
महासचिव विप्लवले संसदीय चुनावबाट समाजवादी व्यवस्थामा जाने एकपटक एउटा मोर्चा प्रयोग गर्ने गरी सबैलाई लिन चाहेको र पार्टी कुनै पनि हालतमा संसदवादी नभएको स्पष्ट पार्नु भयो ।
नेपालको राजनीति जनतातिर नफर्किएको बताउदै उहाँले भन्नु भयो, ‘यो राजनीतिक विदेशतिर फर्किएको छ, मालिकतिर फर्किको छ, मुठ्ठीभरतिर फर्किको छ, लामो गोलचक्करमा छ, यो गणतन्त्र जनताको गणतन्त्रपनि होईन, नेतृत्वपनि जनतातिर फर्किएको छैन, यसलाई बदल्ने सम्पूर्ण दायित्व नेकपाको हो, हामी त्यो गर्न चाहन्छौ ।’
महासचिव विप्लवले एकता र धुव्रीकरण आउने सयौ व्यक्तिहरुलाई हार्दिक स्वागत गर्नु भयो । देश वेचेर खाने दलाल, माफिया र भ्रष्टहरुसंग नेकपाले सहकार्य नगर्ने बताउदै महासचिव विप्लवले देश र जनताप्रति चिन्ता भएका व्यवसायी, राष्ट्रिय पुँजीपति वर्ग सबैसंग सहकार्य हुने विचार व्यक्त गर्नु भयो ।

कार्यक्रममा नेपाल राष्ट्रिय यातायत व्यवसायी सर्वोच्च महासंघका केन्द्रीय अध्यक्ष विष्णु सिवाकोटी, वरिष्ठ उपाध्यक्ष विक्रम सापकोटा लगायतका सयौ यातायात व्यवसायी तथा विभिन्न पार्टी सम्बद्ध व्यक्तिहरु पार्टी परित्याग गरी नेकपामा प्रवेश गरेका छन ।