मिति: २१ चैत्र २०८१, शुक्रबार | इमेल: info@darsannepal.com | फोन: +977 986-6770005
नेकपा सम्बद्ध एमसीसी सरोकार समितिले एमसीसी रोक्न ट्रम्पलाई पत्राचार गर्ने – Darsan Nepal
ताजा समाचारराजनीति

नेकपा सम्बद्ध एमसीसी सरोकार समितिले एमसीसी रोक्न ट्रम्पलाई पत्राचार गर्ने

काठमाडौँ – अमेरिकी राष्ट्रपति डोनाल्ड ट्रम्पले  स्थगित गरेको एमसीसी परियोजनालाई पुन: निरन्तरता दिएको प्रति नेपाल कम्युनिस्टपार्टीको एमसीसी सरोकार समितिले गम्भीर आपत्ती जनाएको छ।

समितिका संयोजक तथा नेकपाका स्थायी समिति सदस्य भरत सीले सोमबार एक वक्तब्य जारी गर्दै एमसीसीले फेरी निरन्तरता पाएकोप्रति गम्भीर ध्यानाकर्षण भएको बताउँदै एमसीसी सरोकार समितिको तर्फबाट एमसीसी रोक्न अमेरिकी राष्ट्रपतिलाई पत्राचार जनाएको छ ।

एमसीसी सम्बन्धमा अमेरिकी राष्ट्रपति डोनाल्ड ट्रम्प र उनको सरकारको ९० दिनको लागि स्थगन गर्ने निर्णय स्वागतयोग्य भएपनि पछिल्लो समय त्यसलाई निरन्तरता दिने भनी नेपाली समाचारपत्रहरुमा प्रकाशित समाचारप्रति गम्भिर ध्यानाकर्षण भएको विज्ञप्तिमा उल्लेख छ ।

संयोजक भरत सीद्वारा जारी वक्तव्यमा भनिएको छ, ‘हामी यथास्थितिमा एमसीसी लागु नगर्न र नयाँ राष्ट्रिय सहमति कायम गरि नेपालको संविधान-कानुन मातहत रहने सुनिश्चितता गरेर मात्रै अघि बढ्न नेपाल सरकार र सम्बन्धित पक्षसंग हार्दिक अनुरोध गर्दछौ । अन्यथा नयाँ स्तरको जनआन्दोलनद्वारा एमसीसी र त्यस्का पक्षधरहरु बढारिनेछन् ।”

Related Articles

Leave a Reply

Your email address will not be published. Required fields are marked *

Back to top button