ज्ञानेन्द्रवादीहरुले शुक्रवार तीनकुनेमा गरेको हिंसात्मक प्रदर्शनमा २ को मृत्य,११० जना घाईते,तोडफोड,लुटपाट र आगजनीको विवरण यस्तो छ

१६ चैत्र,काठमाडौँ ।

पूर्वराजा ज्ञानेन्द्र शाहको पुनस्र्थापनामा लाग्ने ज्ञानेन्द्रवादीहरुले शुक्रवार तीनकुनेमा गरेको प्रदर्शन विध्वंशतिर गएको छ । उनीहरुले गरेको हिंसात्मक प्रदर्शनमा एकजना पत्रकार सहित दुई जनाको मृत्यु भएको छ भने ११० जना घाईते भएका छन । घाईते हुनेहरुमा ७५ जना सुरक्षाकर्मी र ३५ जना आन्दोलनकारी रहेका छन ।
नेपाल प्रहरीतर्फ ५३ र सशस्त्र प्रहरीतर्फ २२ जना गरी कुल ७५ जना सुरक्षाकर्मीहरु घाइते भएको जिल्ला प्रहरी परिसर काठमाडौँले जनाएको छ ।
ज्ञानेन्द्रवादीहरुले नवराज सुवेदीको संयोजकत्व र दुर्गा प्रसाईको अगुवाइमा शान्तिपूर्ण आन्दोलन गर्ने भनेर प्रशासनबाट अनुमति लिएका थिए । तर आन्दोलनमा कमाण्डर भनिएका प्रसाई नै अराजक भएर निधेषित क्षेत्र तोड्दै वानेश्वतिर आउन खोजेपछि आन्दोलन हिंसात्मक भएको थियो ।

प्रदर्शनकारीले उद्दण्ड गतिविधि गर्दै निजी सम्पत्ति, अस्पताल, सञ्चार गृह, राजनीतिक दलका कार्यालय, व्यापारिक केन्द्र लगायतमा तोडफोड र आगजनीलगायतका गतिविधि गरेको प्रहरीको भनाइ छ ।
प्रहरीले यस खालको गैरकानुनी गतिविधिमा संलग्न व्यक्तिहरूलाई अनुसन्धानको दायरामा ल्याइ कानुन बमोजिम कारबाही गर्ने प्रतिबद्धता जनाउँदै हालसम्म ५१ जना पक्राउ गरेको जनाएको छ । पक्राउ परेकाहरुमा राप्रपाका उपाध्यक्ष रवीन्द्र मिश्र र महामन्त्री धवलशमशेर राणा सहित छन् ।
प्रदर्शनकारीले सरकारी ९ वटासहित कुल १५ वटा सवारीसाधनमा तोडफोड गरेका छन् भने तीनकुने अन्नपूर्ण कम्प्लेक्स, मार्बल हाउसलगायतमा तोडफोड गरेका छन् ।
यसैगरी प्रहरी प्रभाव कोटेश्वर, ट्राफिक प्रहरी प्रभाव कोटेश्वर, एकीकृत समाजवादीको पार्टी कार्यालयसमेतमा तोडफोड कोटेश्वरस्थित भाटभटेनीमा लुटपाट समेत भएको जिल्ला प्रहरी परिसर काठमाडौँका सूचना अधिकारी अपिलराज बोहराले जानकारी दिनु भयो । यस्तो छ विवरण