काठमाडौ
अन्तरास्ट्रिय श्रमिक महिला दिवस अर्थात ८ मार्चको सन्दर्भमा र्यालीसहित सभाको आयोजना गरिने भएको छ।
विभिन्न कम्युनिस्ट पार्टी सम्बद्ध महिला संघ/ संगठनहरुको बुधबार काठमाडौमा सम्पन्न संयुक्त बैठकले काठमाडौमा सभाको आयोजना गर्ने निर्णय गरेको अखिल नेपाल महिला संघ क्रान्तिकारी अध्यक्ष बन्धु सीले जानकारी दिएकी छन् । बैठकले महिलाबिरुद्ध भइरहेका हिंसाका घटना लगायत महिला आन्दोलनका साझा सवालमा समान धारणा बनाई अगि बढने र सहकार्य गर्ने निर्णय समेत गरेको छ ।भने ८ मार्चको कार्यक्रमको बिस्तृत कार्यक्रम फागुन १९ गते बैठक बसी सार्वजनिक गर्ने जानकारी दिइएको छ ।
चार महिला संगठनको संयुक्त बैठकमा अखिल नेपाल महिला संघ क्रान्तिकारी अध्यक्ष बन्धु सी र महासचिव राजकुमारी सी, माओवादी केन्द्र समर्थित अखिल नेपाल महिला सङ्घ ( क्रान्तिकारी ) बाट अमृता थापा र दामा शर्मा , मशाल सम्बद्द अखिल नेपाल महिला संघबाट मीना पुन र नेकपा एकीकृत समाजबादी सम्बद्ध अखिल नेपाल महिला संघबाट जयन्ती राईको सहभागीता थियो।
