सुर्खेत, कार्तिक २५
कालीकोटको पलाँता गाउँपालिका-३ राडूनेटामा बोलेरो गाडी दुर्घटना हुँदा चालक सहित ७जनाको मृत्यु भएको छ भने अन्य १२ जना घाइते भएका छन् ।
गाडीमा सवार १९ जनामध्ये ६ जनाको घटनास्थलमै मृत्यु भएको र गाडी चालकको प्रदेश अस्पताल सुर्खेत पुगिसके पछि मृत्यु भएको कालीकोटका प्रमुख जिल्ला अधिकारी नारायणप्रसाद भट्टराईले जानकारी दिए । उनका अनुसार बाँकी १२ जना घाइते छन् ।
पलाँताको थिर्पूबाट १९ जना यात्रु बोकेर गएको बोलेरो आइतबार दिउँसो साढे दुई बजे दुर्घटना भएको थियो । कर्णाली प्रदेश ००१ ज ५६ नम्बरको बोलेरो गाडी सडकबाट ५०० मिटर तल खसेको छ ।
उद्धारका लागि स्थानीय र नेपाल प्रहरीकाे सहयोगमा उद्धार भइरहेको छ । भने घाइतेलाई उपचारको लागि नेपाल आर्मीकाे हेलिकप्टरबाट प्रदेश अस्पताल सुर्खेतमा ल्याई उपचार हुदै छ ।
