सुर्खेत
सुर्खेतको बराहतालमा यात्रुबाहक गाडी एसएमएल दुर्घटना हुँदा १ जनाको मृत्यु भएकाे छ ।
बिहिवार जुम्लाबाट सुर्खेत तर्फ आउदै गरेकाे कर्णाली प्रदेश ०२२१ ख १०१४ नम्बरको एसएमएल गाडी बराहताल गाउँपालिका–८ हुड्केमा दुर्घटनामा भएकाे थियाे ।
मृत्यु हुनेमा दैलेखको ठाटिकाध गाउँपालिका–४ का ३५ बर्षीय दीपक शाहीको मृत्यु भएको हो ।गम्भीर घाइते भएका शाही लगायत अरु ५ जनालाई उपचारको लागि सुर्खेत पुर्याएको थियो ।
तर शाहीलाई अस्पतालले मृत घोषणा गरेको जिल्ला ट्राफिक प्रहरी कार्यालय सुर्खेतका प्रमुख प्रहरी निरीक्षक वकिल सुनारले बताए । अरु घाइतेकाे अवस्था सामान्य भएकाेले कर्णाली केयर अस्पतालमा उपचार भइरहेको छ।
साे गाडमा बच्चा सहित २९ जना यात्रुहरु रहेका थिए । तीव्र गतिमा गुडिरहेकाे गाडि एक्कासि अनियन्त्रित भइ सडक छेउमा पल्टिन पुगेकाे निरिक्षक सुनारले जानकारि दिएका छन।
