जनकपुरधाम
मधेस स्वास्थ्य विज्ञान प्रतिष्ठानले अर्को वर्षदेखि एमबीबीएसको अध्ययन अध्यापन सुरु गर्ने भएको छ चिकित्सा शिक्षा आयोगले चिकित्साशास्त्रमा स्नातक (एमबीबीएस) का लागि ५० सिट निर्धारण गरेसँगै मधेस स्वास्थ्य विज्ञान प्रतिष्ठानलाई आर्थिक वर्ष २०८९ / २०८२ देखि अध्ययन अध्यापन हुने बाटो खुलेको हो।
मधेसमा पहिलोपटक सरकारी स्तरबाट एमबीबीएस कक्षा सञ्चालनको अनुमति पाएको विश्वविद्यालयले अर्को वर्षबाट विद्यार्थी भर्ना लिएर अध्यापन सुरु गराउने भएको हो। चिकित्सा शिक्षा आयोगले एमबीबीएस पढाइ सञ्चालनका लागि आवश्यक तयारी पूरा गरेको मधेस स्वास्थ्य विज्ञान प्रतिष्ठानलाई मधेस प्रदेशमा पहिलोपटक सरकारी स्तरबाट चिकित्साशास्त्रतर्फ ५० सिट उच्च शिक्षाका लागि सुनिश्चित गरेको रजिष्ट्रार डा. विनोदकुमार यादवले जानकारी दिए।
प्रतिष्ठानलाई प्राप्त ५० सिटमध्ये ७५ प्रतिशतमा विद्यार्थीले पूर्ण छात्रवृत्तिमा एमबीबीएस पढ्न पाउने भएको प्रतिष्ठानका रजिष्ट्रार डा. विनोदकुमार यादवले अन्नपूर्णलाई जानकारी दिए। उनले भने, ‘जसमा मधेस प्रदेशका बहुसंख्यक विद्यार्थीले अवसर पाउने र मधेस प्रदेशका लागि कोसेढुंगा सावित हुने विश्वास गरेका
डी एमबीबीएस पढाइ सञ्चालन गर्ने कुरा धेरै महत्त्वपूर्ण कुरा हो। सिद्धो मधेस प्रदेशका लागि सरकारी स्तरबाट एमबीबीएसको पढाइ मधेस स्वास्थ्य विज्ञान प्रतिष्ठानको शैक्षिक कार्यक्रममा कोसेढुंगा सावित हुनेछ उपकूलपति डा. अंकुर साहले भने, प्रतिष्ठानले करिब ४ वर्षपछि एमबीबीएस पठन-पाठनका लागि आयोगबाट अनुमति पाएको हो।
तत्कालीन मुख्यमन्त्री मो. लालबाबु राउतले स्थापना गरेको मधेस स्वास्थ्य विज्ञान प्रतिष्ठानमा एमबीबीएस कार्यक्रम सुरु गर्न पहल भइएरहेको थियो। तर आवश्यक भौतिक पूर्वाधार तथा मापदण्डको आधारमा ४ वर्षपछि मात्र एमबीबीएसको अनुमति प्राप्त गरेको हो।
प्रतिष्ठानमा एमबीबीएसको अध्ययन
अध्यापन सुरु भएपछि प्रादेशिक राजधानी जनकपुरधामलगायत मधेस प्रदेशको स्वास्थ्य सेवामा समेत गुणात्मक सुधार आउने प्रादेशिक अस्पताल जनकपुरधामका उप-निर्देशक डा. कृष्णचन्द्र दास (केडि दास) बताउँछन् ।
मधेस मुख्यमन्त्री एवम् प्रतिष्ठानका कुलपति सतिशकुमार सिंहले प्रतिष्ठानमा एमबीबीएसको अध्ययन-अध्यापन आरम्भ हुनु प्रदेशको गौरवको विषय भएको प्रतिक्रिया दिएका छन्। मुख्यमन्त्री सिंहले सरकारको नीति तथा कार्यक्रममा समेत प्रतिष्ठानका लागि उच्च प्राथमिकतामा राखेरत्रोत सुनिश्चितता, थप पूर्वाधार सम्बन्धी निर्णयहरू गरेको बताए।
यस्तै मधेस प्रदेशका सभामुख रामचन्द्र मण्डलले चिकित्साशास्त्रमा एमबीबीएस
तहको जनशक्ति उत्पादन हुने थलोका रूपमा विकसित हुँदा जनकपुरधामलगायत यस क्षेत्र प्रदेशवासीका लागि शिक्षाको हव बन्नेमा विश्वास व्यक्त गरे। सभामुख मण्डलले भने, ‘एमबीबीएस अध्ययन-
अध्ययापन तथा पठनपाठन सुरु गराउन
आवश्यक तयारी गरेकोमा मुख्यमन्त्री सतिष सिंह सहित प्रतिष्ठानका उपकुलपति डा. अंकुर साह, रजिष्ट्रार डा. विनोद यादव लगायतलाई बधाई।”
शिक्षाको हव
मधेस स्वास्थ्य विज्ञान प्राप्तिठान स्थापनासँगै पहिलो वर्षमा स्नातक तहको ४ विधामा कार्यक्रम सञ्चालन भइरहेको छ। जसमा बिएनएस, बिएस्सी नर्सिंग, विपिएच, बिएस्सी एमएलटिको कक्षा सञ्चालन भइरहेको छ। यसैगरी स्नाकोत्तर तहतर्फ एमडी इन अब्सट्रेटिक्स एन्ड गाइनोलोजी, एमडी इन पेडियाट्रिक्स, एमडि इन इन्टरनल मेडिसिन र एमडि इन जेनरल सर्जरीमा अध्ययन-अध्यापन भइरहेको छ।
त्यसैगरी अध्ययन अनुसन्धानतर्फ ट्रेनिङ्ग वर्कशप अन हेल्थ रिसर्च मेथोलोजी, ट्रेनिङ्ग म्यानेजमेन्ट अन डेटा अनालाइसिस, इथिक्स इन हेल्थ रिसर्च एण्ड इन्स्टिच्युसनल रिभ्यु कमिटी एस्टेबलष्ट जस्ता अनुसन्धाननात्मक प्रयोगहरू गर्दै आइरहेको सूचना प्राविधिक अधिकृत वीरेन्द्र साहले जानकारी दिए।
